ՀՅԴ-ն բավականաչափ լուրջ գաղափարական կուսակցություն է, և ընտրությունների ընթացքում նրա ստացած քվեների սակավությունը պայմանավորված էր երկու հանգամանքով. նախ` սրանք առաջին ընտրություններն էին, որ ՀՅԴ-ն մասնակցում էր առանց Ռոբերտ Քոչարյանի գործոնի: Այսօր կայացած մամուլի ասուլիսի ժամանակ այս մասին ասաց «Նոր ժամանակներ» կուսակցության նախագահ Արամ Կարապետյանը՝ որպես երկրորդ պատճառ նշելով հայ-թուրքական հարաբերությունների հարցում կուսակցության դիրքորոշման փոփոխությունը:
Ինչ վերաբերում է Հայ ազգային կոնգրեսին, ապա Արամ Կարապետյանի խոսքով` ՀԱԿ-ի հիմնական խնդիրը Լևոն-Տեր Պետրոսյանի՝ ինտրիգային դաշտում գործելն է:
«Միաժամանակ, հիմքեր չեմ տեսնում, որ ՀԱԿ-ը վիճարկի ընտրությունների ընթացքը»,- ասաց նա: