«Ֆրանսիայի նորընտիր նախագահ Ֆրանսուա Օլանդը տոնում է հաղթանակը երկու կնոջ հետ միաժամանակ»,– գրում է mignews.com-ը:
Օլանդը, ով նախօրեին հաղթել է նախագահական ընտրությունների երկրորդ փուլում, իր կողմնակիցներին ողջունել է երկու կնոջ ընկերակցությամբ: Կանանցից մեկը Օլանդի նախկին կինն է, իր չորս երեխաների մայրը` Սեգոլեն Ռուայալը: Անցած ընտրությունների ժամանակ նա հավակնում էր երկրի նախագահի պաշտոնին, սակայն պարտվեց Սարկոզիին: Այժմ Ռուայալը նախկին ամուսնուն շնորհավորում է այն բանի համար, որ նա իր փոխարեն ռևանշ է վերցրել Սարկոզիից: Օլանդի նոր քաղաքացիական կինը լրագրող Վալերի Թրիեր-Վեյլերն է: Հինգ տարի առաջ նա միայն գրում էր նախագահական մրցավազքի մասին, իսկ ահա այսօր ունի երկրի առաջին տիկին դառնալու բոլոր հնարավորությունները:
Ելիսեյան պալատում դեռ ապրող ամուսիններ Նիկոլա Սարկոզին և Կարլա Բրունին մարդկանց մեջ չեն հայտնվում: Եվ ինչպես ենթադրում են լրագրողները, ոչ միայն պարտության, այլ նաև Կարլայի անհաջող բոտեքսի և փոքր–ինչ փոխված դեմքի պատճառով:
