2012թ. մայիսի 6-ին` ժամը 10:12-ին, ՀՀ գլխավոր դատախազության թեժ գծով թիվ 12 ընտրատարածքում ՀՀ ԱԺ պատգամավորի թեկնածու Գոհար Վիզիրյանից ահազանգ է ստացվել այն մասին, որ Նոր Արեշի 35 փողոցի 125/3 շենքի հարակից տարածքից պատգամավորի թեկնածու Լ.Խաչատրյանի օգտին քվեարկելու համար ընտրակաշառք է բաժանվում:
Էրեբունի և Նուբարաշեն վարչական շրջանների դատախազության միջոցով հանձնարարվել է ՀՀ ոստիկանության Էրեբունու բաժնին ստուգել հաղորդման մեջ մատնանշված հանգամանքները:
2012թ. մայիսի 6-ին` ժամը 09:47-ին, ՀՀ գլխավոր դատախազության թեժ գծով ահազանգ է ստացվել ընտրական հանձնաժողովի նախագահ, «Ժառանգության» կուսակցության ներկայացուցիչ, պատգամավորի թեկնածու Անահիտ Բախշյանից այն մասին, որ Կարբի գյուղի գյուղապետը խոչընդոտում է հանձնաժողովի աշխատանքներին:
Արագածոտնի մարզի դատախազության միջոցով հանձնարարվել է ՀՀ ոստիկանության Արագածոտնի բաժնին ստուգել հաղորդման մեջ մատնանշված հանգամանքները:
