Նիգերիայի հյուսիսում Մաիդուղուրի քաղաքում հարսանեկան արարողության ժամանակ գրոհայինները փոխհրաձգություն են սկսել, որի հետևանքով զոհվել է երեք մարդ: Կան նաև վիրավորներ:
Բանակային ղեկավարության ներկայացուցչի խոսքերով՝ հարսանիքում գլխավոր գործող անձանցից է եղել «Բոկո Հարամ» ծայրահեղ իսլամիստական խմբավորման ազդեցիկ անդամներից մեկը, իսկ հյուրերը եղել են նրա զինակիցները:
Երբ գրոհայինները նկատել են, որ Նիգերիայի զինվորականները հետևում են հարսանեկան արարողությանը, կրակ են բացել:
Հիշեցնենք, որ մայիսի 3–ին անհայտ գրոհայինները պայթուցիկ սարքավորումներ էին կիրառել Նիգերիայի շուկաներից մեկում, որի հետևանքով զոհվել էր առնվազն 60 մարդ: Չի բացառվում, որ զոհերի թիվը կարող է մեծանալ:
