ՊԱԿ-ի աշխատակցի ու լեգենդար Մերիլին Մոնրոյի միջև եղել են մտերիմ հարաբերություններ, սակայն դրանք չեն վերաճել ավելինին. նրանք միշտ զգացել են լարվածություն, անծանոթ աչքերի ու ականջների առկայություն: Ինչպես հայտնում է inopressa-ն, այս մասին գրել է Անտոնելլա Կոլոննա Վիլազին Panorama. շաբաթաթերթի իր բլոգում:
«ՊԱԿ-ի նախկին աշխատակցուհի Լյուդմիլա Տեմնովայի խոսքով` Մերիլին Մոնրոն կապ ուներ խորհրդային գաղտնի ծառայությունների հետ: Նա անգամ կոդավորված անուն ուներ` Մաշա»,- գրում է հրատարակչությունը:
«Խորհրդային գործակալը, որն աշխատում էր ՄԱԿ-ի ԽՍՀՄ ներկայացուցչությունում, պնդում է, որ պատահաբար հանդիպել է դերասանուհուն ԱՄՆ-ում ռուսական դեսպանատանը՝ Նիկիտա Խրուշչովի այցի առիթով կազմակերպված միջոցառման ժամանակ: Շատ շուտով այդ ընկերությունը վերաճել է «որոշակի զգացմունքի»: Տեմնովան պնդում է, որ ՊԱԿ-ը հետաքրքրված էր Մերիլինով»,- գրված է հոդվածում:
«Շուտով պատրաստ կլինի վավերագրական ֆիլմ՝ «Մոնրոն Դոստոևսկու երկրում» վերնագրով»,- նշել է հրատարակությունը: «Ֆիլմում չկան ուղղակի ապացույցներ, միայն պատմություններ են: Տղամարդը, որը ցանկացել է չհրապարակել իր անունը, պատմում է դերասանուհու հետ հատուկ հարաբերութունների մասին: Նա իբր հրավիրել է դերասանուհուն Մոսկվա, դիմավորել օդակայանում, ուղեկցել հյուրանոց, իսկ հետո միասին գնացել են ամառանոց: «Դրանք եղել են երկու անմոռանալի օրեր»,- պատմում է նախկին գործակալը, ով այդ ժամանակ եղել է 27 տարեկան:
«Սակայն մեր հարաբերութուններում զգացվում էր որոշակի լարվածություն. մենք հասկանում էինք, որ այն փաստը, որ մենք երկուսով ենք, չի նշանակում, թե մեզ ոչ ոք չի տեսնում կամ լսում»,- ասել է նա:
«Այդ հանդիպումից հետո նրանք այլևս չեն տեսնվել, ու նրանց հարաբերությունները վերջնականապես խզվել են»,- գրում է Անտոնելլա Կոլոննա Վիլազին:
