Ինչպես հաղորդում է եգիպտական Masravi կայքը, այսօր Եգիպտոսում 12-հարկանի շենքի փլուզման պատճառով կան զոհեր: Ինչպես ավելի վաղ հայտնի է դարձել, հրշեջները տեղական ժամանակով 02:00-ին ժամանել են դեպքի վայր, որտեղ արդեն այրվելիս է եղել 12-հարկանի շենքի առաջին հարկում տեղակայված խանութը:
Հրշեջներին հաջողվել է տարհանել այդ և հարակից շենքի բնակչությանը, և այն պահին, երբ սկսել են հրդեհաշիջման աշխատանքները, շենքը փլուզվել է:
Այս պահին հայտնի է, որ շենքի փլատակների տակից դուրս է բերվել հրշեջների 7 դիակ: Փլուզման պատճառ է դարձել, ըստ մասնագետների, շենքի առաջին հարկու տեղի ունեցած հրդեհի բարձր ջերմաստիճանի պատճառով շենքի հիմքերի մետաղական կոնստրուկցիաների դեֆորմացումը: