Եգիպտական Պորտ-Սաիդ քաղաքում տեղի ունեցած ողբերգության վերաբերյալ դատավարությունը տեղափոխվել է մայիսի 8-ին: Հիշեցնենք, որ փետրվարին ֆուտբոլային հանդիպումից հետո տեղի ունեցած բախման հետևանքով մոտ 70 մարդ էր սպանվել:
Պորտ-Սաիդում 2012թ. փետրվարի 1-ին Կահիրեի «Ալ-Ահլի» և տեղական «Ալ-Մասրի» ֆուտբոլային ակումբների երկրպագուների միջև բախում էր տեղի ունեցել, որի հետևանքով մահացավ 73 մարդ, իսկ ավելի քան 300-ը վիրավորվեցին:
Այս գործի դատական երկրորդ լսումը հետաձգվել է Եգիպտոսի մայրաքաղաքում երեկվա բախումներից հետո ստեղծված անկայուն վիճակի պատճառով:
Ուրբաթ հարյուրավոր ցուցարարներ ճեղքել էին շրջապատումը՝ փորձելով հասնել Պաշտպանության նախարարության շենքին: Ցուցարարները պահանջում էին անմիջապես իշխանությունը տալ քաղաքացիական ղեկավարությանը:
Անվտանգության ուժերը ստիպված են եղել արցունքաբեր գազ կիրառել: ՊՆ շենքի մոտ բախումները շարունակվել են գրեթե 2 ժամ: Վերջին տվյալների համաձայն՝ մեկ զինվորական մահացել է ստացած վերքերից, ավելի քան 350 մարդ վիրավորվել է կամ թունավորվել գազից: