Glendale News-Press-ը հաղորդում է, որ Գլենդելի բնակիչ 43-ամյա Կարեն Հովհաննիսյանը ներկայացել է ոստիկանություն և խոստովանել, որ ընտանեկան վեճի ժամանակ հրազենից կրակել է իր իսկ տանը։
Հովհաննիսյանին կալանքի տակ են վերցրել տանը կրակելու, ազատությունից ապօրինի զրկելու եւ սպառնալիքների կասկածանքով: Նրա ատրճանակը հայտնաբերվել է ավտոմեքենայի մեջ:
Հովհաննիսյանը պատմել է, որ վիճել է կնոջ հետ՝ վերջինիս ծանողների պատճառով, և կրակել է՝ ոչ մեկի վրա նշան չբռնելով։ Կնոջ ծնողները ներկա են եղել միջադեպին: Բարեբախտաբար, ոչ ոք չի տուժել։
Հովհաննիսյանն արդեն ազատ է արձակվել` 250 հազար դոլար գրավի դիմաց: Նրա դատը կկայանա հունիսին: