Նոր սենսացիոն տեսության համաձայն՝ ռուսական կոմունիզմի հիմնադիր Վլադիմիր Լենինը մահացել է Իոսիֆ Ստալինի կողմից թունավորվելուց հետո:
Daily Mail-ը գրում է, որ ռուս պատմաբան Լև Լուրիեն հավատում է, որ երբ Լենինն արդեն վատ առողջական վիճակում էր գտնվում, Ստալինը խարդախորեն սպանել է նրան:
Լենինը, ով նախապես աջակցում էր Ստալինին, ավելի ուշ սկսել էր սատարել Լև Տրոցկուն: Նախքան իր մահը գրած նոթերում Լենինը քննադատել է Ստալինին՝ նրա կատարած բռնությունների համար: Նա անգամ նշել է, որ Ստալինին հարկավոր է հեռացնել կոմունիստական կուսակցության գլխավոր քարտուղարի պաշտոնից:
Պատմաբանն ասում է, որ քանի որ Լենինի ուղեղը դեռ պահպանվում է, ապա հնարավոր է այն հետազոտել:
