ИТАР-ТАСС -ի փոխանցմամբ՝ Ռուսաստանը հուսով է, որ Բուշեհրի ատոմակայանը կաշխատի անվտանգ ու կայուն: Այս մասին այսօր հայտարարել է Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը.
«Իրավիճակը վատ չի զարգանում, և մենք ուրախ ենք, որ ռուս-իրանական համագործակցության այդ օբյեկտը կաշխատի ողջ չափով: Մենք հուսով ենք, որ օբյեկտը կգործի անվտանգ ու կայուն: Ատոմակայանի էներգաբլոկը չպետք է առաջացնի որևէ մտահոգություն, քանի որ գտնվում է ԱԷՄԳ-ի երաշխիքների ներքո»:
Հիշեցնենք, որ ներկայումս Բուշեհրի ատոմակայանի էներգաբլոկներն արտադրում են 750 Մեգավատտ էլեկտրաէներգիա, ինչը կազմում է նրա առավելագույն հզորության 75 տոկոսը։ Բուշեհրի ատոմակայանն իր ողջ հզորությամբ (1000 Մեգավատտ) գործելու է ամռան սկզբին: