Ուկրաինայի նախկին վարչապետ Յուլյա Տիմոշենկոյի դուստրը` Եվգենիան, և «ԲՅՈՒՏ-Բատկիվշչինա» խմբակցությունից պատգամավոր Սերգեյ Սասը հայտարարել են, որ իրենց չեն թույլատրել մտնել բանտ` տեսակցելու Տիմոշենկոյին, որը ապրիլի 20-ից հացադուլ է հայտարարել` բողոքելով իր հանդեպ վերաբերմունքից:
Ինչպես նշում է RIA Novosti-ն, Եվգենիան ասել է, որ բանտի ղեկավարությունը իրենց մերժել է տեսակցել առանց որևէ պատճառաբանման: Նա նշել է, որ նախօրեին զգուշացրել է բանտի ղեկավարությանը, որ մտադիր է տեսակցել մորը, սակայն «այսօր առանց որևէ բան բացատրելու» իրենց չեն թույլատրել:
Սերգեյ Սասն էլ հայտնել է, որ դրանից հետո ինքը զանգահարել է քրեակատարողական ծառայության ղեկավարությանը, սակայն զանգին ոչ ոք չի պատասխանել: