Թուրքական Zaman թերթի փոխանցմամբ՝ Թուրքիայի արևելյան հատվածում ընկած Թունջելի (նախկին Դերսիմ) նահանգում տեղի է ունեցել բախում թուրքական անվտանգության ուժերի և Քրդստանի աշխատավորական կուսակցության (PKK) զինյալների միջև: Երեկ երեկոյան գրանցված բախման հետևանքով զոհվել է 3 թուրք զինծառայող, որոնցից մեկը՝ ենթասպա:
Մեկ այլ բախում գրանցվել է երկրի հարավարևելյան հատվածում ընկած Շըրնաքի նահանգում: Երեկ ժամը 21.30-ին գրանցված այս բախման ժամանակ թուրքական անվտանգության ուժերին հաջողվել է վնասազերծել 2 PKK-ականի:
