Օկլահոմայում երեկ մահապատժի են ենթարկել մի ամերիկացու, որը սպանություն էր կատարել 37 տարի առաջ։ Այս մասին հաղորդում է Associated Press գործակալությունը։
1975թ․-ին Մայքլ Բասկում Սելսորը Տալսա քաղաքում ևս մի հոգու հետ իրականացրել էր զինված հարձակում խանութի վրա, որի ժամանակ սպանվել էր խանութի սեփականատերը։ Հանցագործներն այդ օրը գողացել էին 500 դոլար և փախուստի դիմել։ Նրանք ձերբակալվել էին մեկ շաբաթ՝ անց Կալիֆոռնիայում։
1976թ․-ին դատարանը նրան դատապարտել էր մահապատժի, սակայն մի քանի ամիս անց այդ որոշումը փոխարինել էր ցմահ ազատազրկմամբ, քանի որ ԱՄՆ գերագույն դատարանը որոշել էր, որ մահապատժի որոշումը հակասահմանադրական է։
1998թ․-ին Սելսորը բողոքարկել էր այդ որոշումը, սկսվել էր նոր դատաքննություն, և նա կրկին մեղավոր էր ճանաչվել, իսկ որպես պատժամիջոց սահմանվել էր մահապատիժը։ 2012թ․-ի ապրիլի վերջին դատարանը որոշել էր մահապատժի ժամկետը հետաձգել։ Երեկ Սելսորը զրկվել է կյանքից։
