Վրացական «Ասավալ-դասավալի» թերթին տված հարցազրույցի ժամանակ ընդդիմադիր «Լեյբորիստական» կուսակցության առաջնորդ Շալվա Նաթելաշվիլին հայտարարել է, որ Վրաստանի նախագահ Միխեիլ Սաակաշվիլին չեչեն վարձկանների ներգրավմամբ սադրանք է նախապատրաստում Աբխազիայում և Հարավային Օսիայում գտնվող ռուս զինծառայողների դեմ.
«Սաակաշվիլին պլանավորել է հարձակվել Աբխազիայում կամ Հարավային Օսիայում գտնվող ռուսական ռազմաբազայի վրա: Այդ նպատակով Եվրոպայի տարբեր քաղաքներում իրականացվում է չեչեն զինյալների հավաքագրում, որոնք ներառվելու են այստեղ գործող պարտիզանական ջոկատներում և սադրանքներ են կազմակերպելու ռուս զինծառայողների դեմ:
Եթե Սաակաշվիլին տեսնի, որ կորցնում է իշխանությունը, ապա երկիրը կներքաշի նոր պատերազմի մեջ: Դրանից հետո Սաակաշվիլին վտարված նախագահի կարգավիճակով կլքի Վրաստանը»:
