«Գելափ» ինթերնեյշնլ կազմակերպության ներկայացուցիչներն այսօր ասուլիսի ժամանակ հրապարակեցին ապրիլի 19-23-ը Հայաստանում անցկացված սոցիոլոգիական հարցման արդյունքները:
«Գելափ»-ի հայաստանյան ներկայացուցչության ղեկավար Արամ Նավասարդյանի խոսքով` ըստ հարցման արդյունքների` քաղաքական ուժերից հեղինակավոր է ՀՀԿ-ն` 56%, ԲՀԿ-ն` 50%, ՀՅԴ-ն` 7%, ՕԵԿ-ը` 7%, «Ժառանգություն» կուսակցությունը` 5%, ՀԱԿ-ը` 4%, ՀԿԿ-ն և ՀԴԿ-ն` 1-ական տոկոս, «Միավորված հայեր» կուսակցությունը` 0.1%, իսկ հարցվողների 11%-ը պատասխանել է, որ ոչ մեկը հեղինակավոր չէ:
Մայիսի 6-ի ընտրություններին մտադիր են մասնակցել 76%-ը` անպայման, 14%-ը` հավանաբար, 6%-ը` ոչ, 5%-ը` դեռ չի կողմնորոշվել:
Եթե ընտրությունները տեղի ունենային առաջիկա կիրակի, համամասնական կարգով քաղաքացիների ձայները կբաշխվեին հետևյալ կերպ. ՀՀԿ` 27.4%, ԲՀԿ` 20.9%, ՀԱԿ` 8.5%, «Ժառանգություն»` 4.4%, ՕԵԿ` 4.2%, ՀՅԴ` 3.7%, ՀԿԿ`0.7%, ՀԴԿ` 0.1%, 11.8%-ը հրաժարվել է պատասխանել, իսկ 3.9%-ը կլինի բոլորին դեմ: Նավասարդյանը նշեց, որ սա 1080 հարցվածների պատասխանն է:
Ըստ նրա` կողմնորոշվածների մեջ ՀՀԿ-ն կստանա 39.2% քվե, ԲՀԿ-ն` 29.9%, ՀԱԿ-ը` 12.2%, «Ժառանգություն»-ը` 6.3%, ՕԵԿ-ը` 6%, ՀՅԴ-ն` 5.3%, ՀԿԿ-ն` 1.1%, Դեմկուսը` 0.1%, իսկ «Միավորված հայեր»-ի օգտին ոչ մեկը չի քվեարկի:
Հիշեցնենք, որ «Գելափ»-ը ՀՀ-ում «Արմենիա» հ/ը պատվերով անցկացնելու է նաև էքզիթ փոլ:
