Հանրապետական սենատոր Սյուզան Քոլինզը և դեմոկրատ կոնգրեսմեն Քերոլին Մելոնին հայտարարել են, որ ԱՄՆ գաղտնի ծառայությունում մարմնավաճառների հետ կապված սկանդալը հնարավոր էր կանխատեսել, եթե գերատեսչությունում աշխատեին ավելի շատ կանայք: Այս մասին նրանք հայտարարել են ABC հեռուստաալիքի եթերում քննարկման ժամանակ:
«Մեզ երևի թե անհրաժեշտ է Գաղտնի ծառայության աշխատակիցների թիվը մեծացնել՝ ավելի շատ աշխատանքի ընդունել սեռական փոքրամասնությունների ներկայացուցիչների ու կանանց»,- ընդգել է Մելոնին:
Կոլինսի խոսքով` նա կասկածներ ունի, որ մարմնավաճառների հետ դեպքն առաջինը չէ:
Ինչպես պատմել է Մելոնին, Գաղտնի ծառայության ղեկավար Մարկ Սալիվանը հաղորդել է իրեն, որ ներկայում կանայք կազմում են աշխատակիցների 11 տոկոսը:
Ապրիլի կեսին հայտնի դարձավ, որ Գաղտնի ծառայության 11 աշխատակից, որոնք զբաղվում էին ԱՄՆ նախագահ Բարաք Օբամայի` Կոլումբիա այցի նախապատրաստմամբ, ԱՄՆ հետ էին ուղարկվել մարմնավաճառների հետ կապված դեպքի առնչությամբ: ԱՄՆ նախագահի անմիջական անվտանգությամբ զբաղվող աշխատակիցներ նրանց թվում չեն եղել:
