News Georgia-ի փոխանցմամբ՝ չնայած մի շարք երկրների հակազդեցությանը՝ մայիսի 20-21-ը Չիկագոյում կայանալիք ՆԱՏՕ-ի համաժողովում Վրաստանը կանվանվի որպես ասպիրանտ երկիր: Այս մասին այսօր տեղի ունեցած ճեպազրույցի ժամանակ հայտարարել է Վրաստանի փոխարտգործնախարար Նինո Կալանդաձեն.
«Չիկագոյի համաժողովում Վրաստանը կընդգրկվի այն երկրների թվում, որոնք հանդիսանում են ասպիրանտ երկրներ: ՆԱՏՕ-ն հստակ աջակցում է Վրաստանի ժողովրդավարական բարեփոխումներին ու գրանցած աճին, ինչը Չիկագոյում կարտացոլվի պաշտոնապես»:
Հիշեցնենք, որ Վրաստանն առաջին անգամ որպես ՆԱՏՕ-ի ասպիրանտ երկիր է հիշատակվել նախորդ տարվա դեկտեմբերի 7-ին Բրյուսելում ընդունված ՆԱՏՕ-ի պաշտոնական փաստաթղթում: