Այսօր Ռուսաստանում հիշում են Ռուսաստանի առաջին Նախագահ Բորիս Ելցինին,- հաղորդում են ռուսական լրատվամիջոցները: Նրա քաղաքականությունը դարձել է ժողովրդավարական բարեփոխումների խորհրդանիշ: Նրա օրոք հայտնվել է խոսքի ազատություն և մասնավոր բիզնես: Ելցինն այն քիչ քաղաքական գործիչներից է, որն իր մեջ խիզախություն է գտել խոստովանելու թույլ տված սխալները: Ռուսաստանի նորագույն պատմության մեջ նա դարձել է առաջին նախագահը, որը կամավոր հրաժարական է տվել:
1999 թ. նախագահության վերջին օրը նախագահը ներողություն է խնդրել այն բանի համար, որ չի կարողացնել արդարացնել մարդկանց հույսերը: Նոր՝ 2000 թ. երկիրն արդեն դիմավորել է այլ նախագահի հետ:
Ելցինին հիշում են իր էքստրավանգանդ արարքներով: Օրինակ՝ մի անգամ ԱՄՆ-ում նա լացելու աստիճան ծիծաղեցրել էր Բիլ Քլինթոնին, իսկ Բեռլինում դիրիժորություն էր արել ռազմական նվագախմբի համար: Բացի այդ, Ելցինը նվագել է գդալներով՝ որպես «թմբուկ» օգտագործելով Ղրղըզստանի այն ժամանակվա նախագահ Ասկար Ակաևի գլուխը:
Հիշեցնենք. Ելցինը մահացել է 2007 թ. ապրիլի 23-ին:
