Վրաստանն ու Եվրամիությունը երկու պայմանագիր են ստորագրել, որոնցով նախատեսվում է Թբիլիսիին հատկացնել 18,2 միլիոն եվրո ֆինանսական օգնություն: Առաջին պայմանագրով նախատեսվում է 11 միլիոն հատկացնել պետական ֆինանսների կառավարման ոլորտում բարեփոխումների իրականացման համար: Այս գումարից 10 միլիոնն ուղղվելու է պետական բյուջե, իսկ 1 միլիոնը` համապատասխան տեխնիկական օգնության ծրագրի իրականացմանը: Երկրորդ պայմանագրով նախատեսվում է 7,2 միլիոն եվրո տրամադրել պետական իշխանության ինստիտուցիոնալ կառույցների զարգացմանն ու դրանց աշխատանքը եվրոպական չափանիշներին համապատասխանեցնելուն: Ներկայումս այս ծրագրերի շրջանակներում 2 ծրագիր է իրականացվում: Իսկ մինչև այս տարվա վերջ ևս 6 ծրագիր է գործարկվելու: