Վրաստանի փոխարտգործնախարար Նինո Կալանդաձեի կարծիքով, Եվրոպայի խորհուրդը Ռուսաստանի վրա ճնշում գործադրելու իրական լծակներ ունի, որպեսզի վերջինիս ստիպի իրականացնել 2008 թ. օգոստոսյան պատերազմից հետո ընդունված բանաձևերը, հաղորդում է newsgeorgia.ru-ն: «Վրաստանը պատասխանատվությամբ է մոտենում ստանձնած պարտավորություններին և պահանջում է, որ նույն սկզբունքները կիրառվեն նաև այլ երկրների նկատմամբ: Միջազգային իրավունքը պահանջում է որ Ռուսաստանը կատարի բանաձևերով նրա վրա դրված պարտավորությունները»,- ասել է Կալանդաձեն: Շեշտվել է, որ Թբիլիսին ԵԽԽՎ ձմեռային նստաշրջանի ընթացքում մի շարք կարևոր և ցավալի հարցեր է բարձրացնելու, մասնավորապես Աբխազիայից և Հարավային Օսիայից ռուսական զորքերի դուրսբերում և այդ երկրամասերի անկախության ճանաչման ետկանչ: