Ուկրաինայի ազգային առաջնության 27-րդ տուրի շրջանակներում Դոնեցկի «Շախտյոր»-ը 5:1 հաշվով հաղթանակ է տարել Լուգանսկի «Զարյա»-ի նկատմամբ: Հայաստանի լավագույն ֆուտբոլիստ Հենրիխ Մխիթարյանը դարձել է դուբլի հեղինակ, ինչպես նաև 11 մետրանոց հարված է վաստակել:
«Երբ թիմն իր առջև լուրջ նպատակներ է դնում, այլևս ոչ մի ֆուտբոլիստ տեմպը թուլացնելու իրավունք չունի: Մենք պետք է ներդնենք ունեցած բոլոր հնարավորությունները: Կարող եմ ասել, որ վատ մարզավիճակում չեմ: Ցանկանում եմ այն պահպանել և էլ ավելի բարելավել խաղային որակներս:
Մինչ «ոսկե» խաղը մենք դեռ 3 հանդիպում ունենք: Ջանք չենք խնայի հաղթելու համար:
Բնականաբար, դժվար է 1 շաբաթում 2 կարևորագույն հանդիպում անցկացնելը, բայց «Շախտյոր»-ը միակ թիմն է, որ պայքարում է չեմպիոնի տիտղոսի և գավաթի նվաճման համար»,- նշել է «հանքափորներ»-ի կիսապաշտպանը:
