Քիչ առաջ ԿԲ-ն հրապարակեց անցած շաբաթ արտարժութային շուկայում իրականացրած գործարքների վերաբերյալ տեղեկատվությունը: Ըստ այդմ` հունվարի 17-21-ը ԿԲ-ն վաճառել է մոտ 8.3 մլն դոլար` առանց դոլարի գնման որևէ գործարք իրականացնելու: Նշենք, որ դրան նախորդող շաբաթվա ընթացքում` հունվարի 10-14-ը, ԿԲ-ն վաճառել էր մոտ 10.5 մլն դոլար: Իսկ նախորդ տարվա վերջին` դեկտեմբերի 27-30-ը, 28.8 մլն դոլար: Եթե ԿԲ-ն այս մոտ 50 մլն դոլարը չներարկեր արտարժույթի շուկա, ապա դրամը դոլարի նկատմամբ այսօր շատ ավելի արժեզրկված կլիներ: Օրինակ` այսօր 1 դոլար-366.5 դրամ միջին փոխարժեքի փոխարեն, կունենայինք շատ ավելի արժեզրկված դրամ:
