Facebook սոցիալական ցանցը բորսային շուկա դուրս կգա մայիսի 17-ին: NASDAQ-ում ընկերության բաժնետոմսերը կարող են հայտնվել ավելի ուշ՝ մայիսի 24, եթե Անվտանգության և Բորսայի հանձնաժողովը չհասցնի ստուգել ընկերության փաստաթղթերը, այդ թվում վերջին՝Instagram ֆոտոծառայության գնման վերաբերյալ հավաստագիրը: Ենթադրվում է, որ մեկ արժեթղթի համար 40 դոլար կսահմանի: Այս մասին տեղեկացնում է Daily Mail-ը:
Facebook-ը 100 միլիարդ դոլար կգնահատվի: Անկախ վերլուծաբանների կարծիքով՝ Facebook-ի IPO-ն կդառնա խոշորագույնը և ընկերությանը 10 միլիարդ դոլարի հավելյալ ներդրում կբերի:
Ինչպես գրում է TechCrunch-ը, 2011 թվականին սոցիալական ցանցն աշխատել է 3.7 միլիարդ դոլար, որից 1 միլիարդը կազմել է մաքուր շահույթը: Սոցիալական ցանցում գովազդի վաճառքը աճել է 69 տոկոսով՝ հասնելով 3,15 դոլարի: Հայտարարության միջին գինը աճել է 18 տոկոսով: Այժմ Facebook-ը 845 միլիոն ակտիվ օգտատեր ունի:
Նշենք, որ օրերս սոցիալական ցանցը 1 միլիարդ դոլարով ձեռք բերեց ֆոտոծառայությունների Instagram տեխնոլոգիան: Գումարի 70 տոկոսը սոցիալական ցանցը կփակի բաժնետոմսերով, իսկ 30 տոկոսը կվճարի կանխիկ գումարով:
