Грузия Online-ի փոխանցմամբ՝ ընդդիմադիր միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլին մտադիր է իր կուսակցության հիմնադիր համագումարն անցկացնել շաբաթ օրը Թբիլիսիի Exspo Georgia համալիրում: Այս մասին հայտարարել է Իվանիշվիլիի մամլո քարտուղար Մայա Պանջիկիձեն:
Վերջինիս խոսքերով՝ «Վրացական երազանք – ժողովրդավարական Վրաստան» կուսակցության հիմնադիր համագումարն անցնելու է գործարար մթնոլորտում՝ ընդգծելով, որ դրան մասնակցելու համար հրավիրվել է ավելի քան 1000 մարդ: Պանջիկիձեն, սակայն, չի նշել կուսակցության նախագահի թեկնածուի անունը:
Հիշեցնենք, որ Բիձինա Իվանիշվիլին դեռ չի ստացել Վրաստանի քաղաքացիություն: Գործող օրենսդրության համաձայն՝ այլ երկրի քաղաքացին Վրաստանում իրավունք չունի մասնակցել ընտրություններին, ստեղծել ու ֆինանսավորել քաղաքական կուսակցություններ:
