Թուրքական Dünya Bülteni կայքի փոխանցմամբ՝ գիշերը հերթական երկրաշարժն է գրանցվել Վանի նահանգում: 02.30-ին տեղի ունեցած այդ երկրաշարժի էպիկենտրոնը գտնվել է Վան քաղաքից 40 կիլոմետր հեռավորության վրա ընկած Աքչիֆթ գյուղի մոտ: Երկրաշարժի ուժգնությունը կազմել է 4.5 բալ:
Այս երկրաշարժին Վանի նահանգում հաջորդել են ավելի փոքր ուժգնությամբ մի քանի երկրաշարժեր. ժամը 02.32-ին՝ 3.8 բալ, 02.39-ին՝ 3.1 բալ, 03.33-ին՝ 3.5 բալ և 02.34-ին՝ 3.5 բալ: Այս ամենի հետ մեկտեղ գրանցվել է ավելի ցածր ուժգնությամբ ևս 20 ստորերկրյա ցնցում:
