American Music Award մրցանակի հեղինակ, ամերիկացի հեռուստահաղորդավար և պրոդյուսեր Դիք Քլարկը երեկ իր մահկանացուն է կնքել Լոս Անջելեսի հիվանդանոցներից մեկում: Մահվան պատճառը եղել է սրտի նոպան: Այս մասին հաղորդում է BBC-ն` հավելելով, որ Քլարկը 82 տարեկան էր:
Քլարկը հայտնի է դարձել 1950-ականներին, երբ վարել է «Ամերիկյան էստրադա» հաղորդումը, որի առաջին թողարկումներից մեկում ցուցադրել է էլվիս Փրեսլիի հետ հարցազրույցը: Նրա հաղորդաշարի հյուրերն են դարձել աշխարհահռչակ այլ երգիչ-երգչուհինր:
1973թ.-ին Դիք Քլարկը ABC հեռուստաալիքի պատվերով ստեղծում է American Music Award ամենամյա երաժշտական մրցանակաբաշխությունը, որը լուրջ մրցակից էր «Գրեմմի»-ին, իսկ ժամանակի ընթացքում դարձավ աշխարհի ամենահայտնի երաժշտական մրցանակաբաշխություններից մեկը:
Շնորհիվ իր պատանեկան եռանդի Քլարկը ստացել էր «աշխարհի ամենածեր պատանի անունը»:
