Մահը որպես կյանքի հերթական գեղեցիկ պահը համարելով` Ջեք Գրիգորյանը հորդորում է այն ընդունել արժանապատիվ: «Մահվան իրավունք» շարժման ակտիվիստ նկարիչ, կոմպոզիտոր, բժիշկ Ջեք Գևորգյանը, ինչպես արդեն տեղեկացրել էինք, հունվարի 15-ին հանդիպում է ունեցել Կալիֆորնիայի հայ համայքի ներկայացուցիչների հետ` կիսվելու նրանց հետ մահվան մասին իր գաղափարախոսությամբ: Բժկին լսելու համար UCLA համալսարան էին եկել 2000 հյուր: Հանդիպումը կազմակերպել էին համալսարանի հայ ուսանողների միությունը և Կալիֆորնիայի հայ-ամերիկյան բժիշկների ընկերակցությունը: Միջոցառմանը մասնակցում էին նաև ՀՀ նախկին արտգործնախարար Ռաֆֆի Հովհաննիսյանը և բժիշկ Գևորգյանի ընկեր ու փաստաբան Մեր Մորգան Ռոթը: Մարդուն մահվան իրավունք ընձեռնելու մեծ ջատագովներից մեկը`բժիշկ Գևորգյանը, ում լրատվամջոցների «Բժիշկ Մահ» են կոչում, իր պրակտիկայի ընթացքում 130 հիվանդի հանդեպ էֆթանազիա կիրառելու համար դատական պատասխանատվության է ենթարկվել: Դա 1999թ.-ին էր, երբ նրան դատապարտեցին 8 տարվա ազատազրկման` երկրորդ աստիճանի սպանության հոդվածով: Այսօր նա հայտնում է, որ ազատ մարդ է և դեռ չի բացահայտել `ինչ է երջանկությունը: Բժիշկը հավատացած է , որ մահվան իրավունքի մասին օրենքը ԱՄՆ-ն կարող է ընդունվել միայն արմատական փոփոխություններից հետո, նա քննադատում է կառավարությանը, դատական համակարգը և այն օրենքները, որոնք ձեռնտու են կառավարությանը:
UCLA-ի հայ ուսանղների միության նախագահ Նինա Բաբայանը այս միջոցառումից հետո ասել է.« Մենք չէինք սպասում նման արձագանք ուսանողության կողմից և մտադիր ենք ուրիշհ հայտնի հայերի ևս հրավիրել մեր համալսարան»:
