Ամերիկյան իշխանություններն ընդհանուր առմամբ դրական են գնահատել միջազգային վեց միջնորդների (ՄԱԿ ԱԽ-ի հինգ մշտական անդամ և Գերմանիա) և Իրանի միջև բանակցությունների հերթական փուլի արդյունքները:
ԱՄՆ նախագահ Բարաք Օմաբայի ազգային անվտանգության հարցերով օգնական Բեն Ռոդեսի փոխանցմամբ` Սպիտակ տունը հավատում է, որ անցած բանակցությունները «դրական առաջին քայլ էին, որ բանակցություններում տիրում էր կառուցողական մթնոլորտ, և որ իրանցիները նստել էին բանակցությունների սեղանի շուրջ և սկսել քննարկել իրենց միջուկային ծրագրի հարցը»:
Ինչպես հաղորդել է BBC-ն, Ռոդեսը նշել է, որ «դրական քայլ» կարելի է համարել նաև մասնակիցների որոշումը` շարունակել բանակցությունները մայիսին՝ Բաղդադում:
Նշենք, որ Իրանի Ազգային անվտանգության բարձրագույն խորհրդի քարտուղար Սայիդ Ջալալին բավարարվածություն է հայտնել շաբաթ օրը Ստամբուլում կայացած բանակցություններից: Ըստ Ջալալիի՝ բանակցություններում նկատվել է առաջընթաց, բազմակարծություն, և եղել են պահեր, որոնց հետ իրանական կողմը համաձայնել է:
ԵՄ գերագույն հանձնակատար Քեթրին Էշթոնը հաղորդել է, որ իշաբաթօրյա հանդիպումը համարում է կառուցողական և օգտակար: