Marca-ն հայտնում է, որ «Ատլետիկո»-ի հետ արտագնա հանդիպումից հետո Մադրիդի «Ռեալ»-ի պաշտպան Սերխիո Ռամոսը գովասանքի խոսքեր է ուղղել իր խաղընկեր` թիմի հարձակվող Քրիշտիանու Ռոնալդուի հասցեին:
Հիշեցնենք, որ այդ խաղին տաղանդավոր պորտուգալացին աչքի ընկավ գերազանց հեթ-տրիկով և նպաստեց իր թիմի հաղթանակին:
«Ռոնալդուն աշխարհի լավագույն ֆուտբոլիստն է: Մենք երջանիկ ենք, որ ամեն օր նրա հետ մարզվելու հնարավորություն ունենք»,- ասել է Ռամոսը:
Պարբերականը նշում է նաև, որ Ռոնալդուին հաճախ համեմատում են «Բարսելոնա»-ի հարձակվող Լիոնել Մեսսիի հետ: Այդ համեմատությունը, սովորաբար, հօգուտ արգենտինացու է ավարտվում: Սակայն Ռոնալդուն ավելի ընդգրկուն ֆուտբոլ է ցուցադրում:
