Ամերիկացի դերասանուհի Լիզա Էդելշտեյնը, ով ճանաչում ձեռք բերեց դոկտոր Լիզա Կադդիի դերով՝ հայտնի «Դոկտոր Հաուս» հեռուստասերիալում, նկարահանվել է կենդանիների պաշտպանությամբ զբաղվող PETA ընկերության էրոտիկ ֆոտոսեսիայում:
Ինչպես նշված է ընկերության կայքէջում, մսի օգտագործումից հրաժարված դերասանուհին հրաշալի տեսք ունի` չնայած 45 տարեկանին:
Բացի այդ` այդ եղանակով դերասանուհին օգնում է փրկել կենդանիների կյանքը, որոնց սպանում են մսի պատճառով, նշում է PETA-ն:
Լ. Էդելշտեյնին լուսանկարել է աստղային հայտնի լուսանկարիչ Ջեք Գայը: Դերասանուհին կոչ է արել իր երկրպագուներին «սնվել բանջարեղենով ու հոգ տանել բնությանը»:
Դերասանուհին «Դոկտոր Հաուսում» նկարահանվում է 2004-ից: Նա դոկտոր Կադդիի դերը ֆիլմում մարմնավորել է 7 սեզոն, ինչից հետո լքել է նախագիծը: Դերասանուհին նկարահանվել է նաև «Ի՞նչ են ուզում կանայք», «Ավելի լավ չի լինում», «Հերթապահ հայրիկը» ֆիլմերում:
Դերասանուհին խոստովանել է, որ 15 տարեկանից բուսակեր է, ու որ երբեք չի եղել մսի սիրահար: Հայտնի է նաև, որ նա շաբաթվա 6 օրը զբաղվում է աշանգա-յոգայով:
