Հայաստանի Կենտրոնական ընտրական հանձնաժողովն այսօր` ապրիլի 14-ին կայանալիք նիստում քննարկելու է պատգամավորության թեկնածուների ներկայացրած ինքնաբացարկի դիմումները: Դիմում ներկայացրել են 4 թեկնածուներ, մեկը` համամասնական, 3-ը` մեծամասնական ընտրակարգով առաջադրված:
Հիշեցնենք, որ ՀՀԿ համամասնական ընտրացուցակից ինքնաբացարկ է հայտարարել Բժշկական համալսարանի կլինիկական ֆարմակոլոգիայի ամբիոնի վարիչ, բժշկական գիտությունների դոկտոր, պրոֆեսոր Նարինե Միրզոյանը, որ կինոռեժիսոր, «Սարդարպատ» շարժման նախաձեռնող խմբի անդամ Տիգրան Խզմալյանի կինն է:
Մեծամասնական ընտրակարգով ինքնաբացարկներ կան թիվ 11, 35 և 38 ընտրատարածքներում:
