«Հայտնի ֆրանսիական արդյունաբերական դիզայներ Ֆիլիպ Սթարքը պատմել է Apple ընկերության հետ իր համատեղ նախագծի մասին»,– հաղորդում է Agence France-Presse-ը:
Նախագծի էությունը Սթարքը հրաժարվել է բացահայտել՝ հիմնվելով ամերիկյան ընկերությունում գոյություն ունեցող «գաղտնիության պաշտամունքին»: Դիզայները հաղորդել է, որ համագործակցության արդյունքը հանրությունը կարող է տեսնել ութ ամիս հետո:
The Verge բլոգը ենթադրում է, որ Սթարքի և Apple-ի համատեղ «նախագիծը» կարող է լինել նոր «տիեզերական» տարածքը, որտեղ ընկերությունը մտադիր է տեղափոխվել: Տարածքի նախագիծը Սթիվ Ջոբսը ներկայացրել էր 2011 թվականի ամռանը:
63-ամյա դիզայները պատմել է նաև, որ կանոնավոր այցելել է Սթիվ Ջոբսին՝ Պալո-Ալտոյում: Այդ քաղաքում Apple-ի համահիմնադիրն ապրել է մինչև իր կյանքի վերջը` 2011 թվականի հոկտեմբերը:
Իր կարիերայի ընթացքում Սթարքն իրականացրել է բազմաթիվ դիզայն-նախագծեր` սկսած ինտերիերներից և քաղաքային միջավայրի տարրերից՝ վերջացրած աթոռներուվ և ատամի խոզանակներով: Նա նաև iPod–ի և iPhone-ի համար նախագծել է Parrot Zikmu սյուները և Microsoft-ի օպտիկական «մկնիկը»:
