Երեկ «Առաջին լրատվական»-ին հատնի է դարձել, որ սեփական ավտոմեքենայի մեջ սպանվել է 1985թ. ծնված Կարեն Եսայանը, որը Գյումրիի քաղաքապետ Վարդան Ղուկասյանի դստեր նշանածն էր: Կարեն Եսայանը հայտնաբերվել է Mercedes-Benz մակնիշի 16 OL 850 պետհամարանիշով իրեն պատկանող ավտոմեքենայի մեջ:
Հարուցված քրեական գործի նախաքննության շրջանակներում ձեռնարկված օպերատիվ-հետախուզական միջոցառումների արդյունքում այսօր մեկ անձ է ձերբակալվել:
Ըստ շրջանառվող լուրերի՝ սպանությունը կատարվել է խանդի հողի վրա. քաղաքապետի դստերը սիրահարված է եղել նաև ոստիկանապետի որդին, որը վրեժ է լուծել:
«Առաջին լրատվական»-ի հետ զրույցում Գյումրիի քաղաքապետ Վարդան Ղուկասյանը հերքեց խանդի հողի վրա կատարված սպանության վարկածը:
«Ճիշտն ասած դրանք բոլորը, ովքեր ձերբակալված են, «Բարգավաճ Հայաստանի» կարկառուն դեմքերն են: Խանդի հող չկա, խանդի հող կարող էր լինել այն ժամանակ, երբ աղջիկն ու տղան իրար ճանաչում են, ընդհանրապես բարև են տվել կամ խոսել են, իսկ հիմա սա պատրվակ է, որ գցեն խանդի հողի վրա, իրենց գործը կատարեն, որ մեզ քաղաքականությունից դուրս հանեն, որ մենք քարոզարշավին չմասնակցենք»,- ասաց Վարդան Ղուկասյանը:
