ԱՄՆ-ի բազմազգ մեգապոլիսների մրցույթում Լոս Անջելեսը կարող էր հիրավի զբաղեցնել առաջին տեղը: Այս կարծիքին են հակված Մերիմաունթի Լոյոլայի համալսարանի հետազոտողները:
Գիտնականները պարզել են, որ քաղաքի բնակչության թիվը վերջին 12 տարում կրկնակի աճել է ու ներկայում կազմում է 18.6 մլն մարդ և մեգապոլիսի ազգային կազմը, ինչպես երբևէ, հավասարակշռված է: Այս մասին հայտնում է ITAR-TASS գործակալությունը:
Բնակչության մարդահամարի վերլուծությունը ցույց է տալիս, որ ներկայում քաղաքում ապրում է սպիտակամորթ անգլալեզու ամերիկացիների 26 տոկոսը, լատինամերիկացիների 25 տոկոսը, աֆրոամերիկացիների 22 տոկոսը և ասիացիների 22 տոկոսը:
Բացի այդ` գիտնականները հաշվարկել են, որ 30-44 տարեկան մարդիկ կազմում են մեգապոլիսի 48 տոկոսը, 45-64 տարեկան քաղաքացիները՝ 40 տոկոսը, իսկ ամենաարագ աճող խումբը` 18-19 տարեկան երիտասարդներն են:
Լոս Անջելեսում ապրում ու աշխատում են ազգային տարբեր խմբերի ու կրոնների պատկանող մարդիկ, որոնք հանդուրժող են միմյանց նկատմամբ: Այս մասին նշված է հետազոտության մեջ:
