Լոնդոնի քաղաքապետ Բորիսմ Ջոնսոնը հրամայել է արգելել «Միասեռականության բուժումը» գովազդը քաղաքային ավտոբուսների վրա: Ինչպես հայտնում է The Daily Mail-ը, գովազդն արգելվել է անհանդուրժողականության տարրեր պարունակելու պատՃառով:
Լոնդոնյան ավտոբուսների վրա փակցված գովազդային արշավի հեղինակները երկու կաթոլիկ կազմակերպություններ են` Anglican Mainstream-ն ու Core Issues Trust-ը: Այդ գովազդը կարմիր ֆոնի վրա գրված սպիտակ գրություն է. «Միասեռական չեմ: Նախկին միասեռական էի, դադարել եմ այդպիսին լինել ու հպարտ եմ: Հիշի՛ր դա» (Not gay! Ex-gay, post-gay and proud. Get over it!):
Ընկերության կարգախոսն իր մեջ կրում է հետևյալ գաղափարը, որ միասեռականությունը կարող է հաղթահրավել հոգևոր թերապիայի միջոցով, որը կաթոլիկ հոգևորականների կարծիքով մարդկանց կարող է վերադարձնել ավանդական կողմնորոշմանը: Հենց այս կարգախոսն է քաղաքապետի կողմից ճանաչվել անհանդուրժողականության դրսևորում:
Core Issues Trust –ի ներկայացուցիչը The Daily Mail-ի հետ զրույցում հայտարարել է, որ իրենց գովազդային արշավը գրաքննության ենթարկելու պատճառ չի տեսնում, քանի որ այնտեղ օգտագործված են միայն օրինական միջոցներ:
