ԱՄՆ պետքարտուղար Հիլարի Քլինթոնը հայտարարել է, որ G8-ի արտգործնախարարները համաձայնել են այն բանում, որ Սիրիայում կրակի դադարեցումը հակամարտության կարգավորման միայն առաջին քայլն է:
ՄԱԿ-ի և ԱՊԼ-ի հատուկ բանագնաց Քոֆի Անանը, հինգշաբթի օրը ելույթ ունենալով ՄԱԿ ԱԽ-ում, հայտարարել է, որ Դամասկոսը մինչև վերջ չի կատարում Սիրիայում քաղաքական ճգնաժամը կարգավորելու համար մշակված իր ծրագիրը: Անանն ԱԽ-ին կոչ է արել ազդել Դամասկոսի վրա` սիրիական քաղաքներից ռազմական տեխնիկան հանելու համար:
«ԱԳՆ ղեկավարները քննարկել են Սիրիայում տիրող իրավիճակը: Մենք ողջունում ենք հատուկ բանագնաց Քոֆի Անանի հաշվետվությունը, որում ասվում է, որ երկրում բռնությունների ալիքը նվազում է: Ես այս հարցը քննարկել եմ նաև ՌԴ արտգործնախարար Սերգեյ Լավրովի հետ: Եթե նման միտումը պահպանվի, ապա կրակի դադրեցումը կարևոր քայլ կլինի, սակայն դա մեր բանագնացի ծրագրի միայն մի մասն է»,- ասել է Քլինթոնը:
Դրա հետ մեկտեղ Քլինթոնը հիշեցրել է, որ Անանի հաշվետվության համաձայն՝ Ալ-Ասադի վարչակարգը «նախկինի պես չի հետևում իր առանցքային պարտավորություններին»:
«ԱՄՆ-ը շարունակում է ուշադիր հետևել Սիրիայում կատարվող իրադարձություններին: Ասադը պետք է հեռանա»,- հավելել է Հիլարի Քլինթոնը:
