Newswek ամսագրի հարցազրույցում Չեչնիայի ղեկավար Ռամզան Քադիրովը կոչ է արել Պուտինին 2012թ. վերադառնալու նախագահի պաշտոնին: Նա նաեւ հայտնել է, որ չի ուզում այս դեպքում հետեւել սահմանադրությանը, այլ ցանկանում է, որպեսզի Պուտինը ցմահ մնա նախագահ:
Քադիրովն առաջին անգամ չէ, որ արտահայտում է այս կարծիքը: 2007թ. Коммерсантъ-Власть-ին տված հարցազրույցում նա ասել է. «Իմ կարծիքն այս է. եթե մենք ցանկանում ենք պահպանել Ռուսաստանի միասնականությունը, եթե ցանկանում ենք ունենալ հզոր Ռուսաստան, ապա նախագահը պետք է լինի Պուտինը: Ինչո՞ւ Ղազախստանում կարող են ցմահ լինել նախագահ: Ինչո՞ւ Ռուսաստանում այդպիսի բան չի կարող լինել»: Մեկնաբանելով Պուտինի այն խոսքերը, որ չի ցանկանում երրորդ անընդմեջ ժամկետին գնալ, Քադիրովն ասել է, որ նա այս դեպքում պետք է լսի ժողովրդին, իսկ ժողովուրդն ուզում է, որ նա լինի նախագահ: Նա առաջինն է ռուսաստանյան քաղաքական գործիչներից, ով նորից կրկնել է իր այս գաղափարը: Քադիրովն իր այս առաջարկը բացատրեց հետեւյալ կերպ. «Քանի դեռ Պուտինն ինձ աջակցում է, ես կարող եմ անել այն, ինչ ուզում եմ: Ալլահ աքբար»:
