Հունաստանի արտահերթ խորհրդարանական ընտրությունները տեղի կունենան մայիսի 6-ին: Այս մասին հաղորդում է Reuters-ը՝ վկայակոչելով Հունաստանի կառավարության իր աղբյուրին: Ընտրությունների պաշտոնական օրը, գործակալության աղբյուրի համաձայն, կհայտարարվի այսօր՝ օրվա երկրորդ կեսին, այն բանից հետո, երբ վարչապետ Լուկաս Պապադեմոսը խորհրդարանը ցրելու ֆորմալ խնդրանքով կդիմի Հունաստանի նախագահին:
Հիշեցնենք. Հունաստանում արտահերթ խորհրդարանական ընտրություններ անցկացնելու որոշում կայացվեց այն բանից հետո, երբ 2011 թ. նոյեմբերին հրաժարական տվեց սոցիալիստների կառավարությունը՝ Գեորգիոս Պապանդրեուի ղեկավարությամբ, և ձևավորվեց նոր՝ կոալիցիոն կառավարություն՝ Լուկաս Պապադեմոսի գլխավորությամբ:
Նշենք, որ սպասվող խորհրդարանական ընտրություններն առաջինը կլինեն երկրում բռնկված պարտքային ճգնաժամի ընթացքում: Քաղաքագետները դժվարանում են քվեարկության արդյունքների հետ կապված գուշակություններ անել:
