ԱՄՆ նախագահ Բարաք Օբամայի նախընտրական շտաբը արդեն վաղուց Միթ Ռոմնիին համարում է ամենահավանական հակառակորդ: Ռիք Սանտորումի որոշումը՝ իր քարոզարշավը դադարեցնելու մասին, այդ ամենը դարձնում է պաշտոնական:
Los Angeles Times-ի հաղորդմամբ՝ Օբամայի նախընտրական շտաբի ներկայացուցիչ Ջիմ Մեսինան իր հայտարարության մեջ ասել է, որ Ռոմնիի քարոզարշավի գործողությունների արդյունքն է, որ Հանրապետական թեկնածուները աստիճանաբար պակասում են:
Մեսինան հավելել է, որ Ռոմնիին, սակայն, չի հաջողվի ստանալ նախագահի աթոռը. «Ամերիկացիները որքան շատ են տեսնում Միթ Ռոմնիին, այնքան ավելի քիչ են նրան սիրում ու վստահում»:
Օբամայի ռազմավարությունը մշակող Դևիդ Աքսելրոդն ասել է. «Փողով հնարավոր չէ սեր գնել, բայց հնարավոր է Հանրապետական կուսակցության թեկնածությունը գնել»:
