Microsoft –ը Time Warner մեդիախմբին պատկանող AOL ինտերնետ-ընկերությունից ձեռք է բերել ավելի քան 1 միլիարդ դոլար արժողությամբ 800 արտոնագիր: Գործարքն ընդգրկում է այնպիսի արտոնագրերի գնում, որոնք կապված են նախկինում հայտնի Netscape Navigator բրաուզերին: AOL-ը դադարեցրել է 1994 թվականին ստեղծված բրաուզերի աջակցումը 2008 թվականին: Բացի այդ, Microsoft-ի ձեռք բերած պորտֆելում գտնվում են իրավունքներ AOL-ի ներկա և նախկին տեխնոլոգիաների կիրառման վերաբերյալ՝ ICQ, MapQuest, CompuServe և Advertising.com:
1 արտանագրի համար վճարված ավելի քան 1 միլիոն դոլարը ապացուցում է այն վիթխարի դերի մասին, որ արտոնագրերը խաղում են աշխարհի խոշորագույն տեխնոլոգիական ընկերությունների գործունեության և ռազմավարության մեջ: Վերջին շրջանում նույնիսկ որոշ ընկերություններ միմյանց դեմ արտոնագրային պատերազմներ են մղում:
Reuters-ի փոխանցմամբ՝ գնորդը հայտնի է դարձել ապրիլի 5-ին կայացած աճուրդ-վաճառքում, որին մասնակցել են նաև Google-ը, Amazon-ը, Facebook-ը և eBay-ը: Գործարքը վերջնականապես կկնքվի տարեվերջին:
M-Cam-ի գնահատականներով՝ Microsoft-ն ունի նորագույն տեխնոլոգիաների շուրջ 20 հազար արտոնագրեր, ինչը 4 ագամ ավելի է Apple –ի արտոնագրերի քանակից:
Microsoft-ի հետ գործարք կնքումից հետո, AOL-ի բաժնետոմսերի գինը 43 տոկոսով աճել է՝ հասնելով վերջին երկու տարում առավելագույնի: Ընկերության բաժնետոմսերի գինը գնահատվում է 26.4 դոլար:
Սա AOL-ի և Microsoft-ի միջև առաջին գործարքը չէ:
