Ինչպես երեկ ճեպազրույցի ժամանակ հայտնել է Ֆիլիպ Քրոուլին, ԱՄՆ-ն կպաշտպանի Եվրամիության կողմից ընդունված պատժամիջոցները: «Մենք տեղյակ ենք և աջակցում ենք այն քայլերին, որ ձեռնարկում է Եվրամիությունը, ինչպես նաև պատրաստ ենք վերականգնել այն պատժամիջոցները, որ նախկինում հանվել էին»,- հայտարարել է պետքարտուղարության պաշտոնական ներկայացուցիչ Ֆիլիպ Քրոուլին:
Հիշեցնենք, որ երեկ Եվրախորհրդարանը որոշում է կայացրել պատժամիջոցներ կիրառել բելառուսական բոլոր այն պաշտոնյաների նկատմամբ, որոնք այս կամ այն չափով նպաստել են ընտրությունների կեղծմանը և ընդդիմության դեմ բռնարարքներին:
