ԲՀԿ կողմից թիվ 9 ընտրատարածքում մեծամասնական ընտրակարգով պատգամավորության թեկնածու առաջադրված Նապոլեոն Ազիզյանը մինչ այժմ որևէ ընտրախախտում չի նկատել: Այս մասին նա ասաց «Առաջին լրատվական»-ի հետ զրույցում: Նրա խոսքով՝ իր հարազատ ընտրատարածքում ամեն բան խաղաղ է:
Ինչ վերաբերում է մրցակիցների հետ հարաբերություններին, ապա Նապոլեոն Ազիզյանը նկատեց. «Բոլորի հետ էլ նորմալ հարաբերությունների մեջ եմ, նորմալ ընտրապայքար եմ ակնկալում: Նրանք բոլորն էլ արժանի մրցակիցներ են՝ նայած ժողովուրդն ում կընտրի»:
Նշենք, որ բացի Նապոլեոն Ազիզյանից, թիվ 9 ընտրատարածքում մեծամասնական ընտրակարգով պատգամավորության թեկնածուներ են առաջադրվել նաև ՀԱԿ համակարգող Լևոն Զուրաբյանը, «Ժառանգություն» կուսակցության փոխնախագահ Ռուբեն Հակոբյանը և ՀՀԿ-ական Ռուբեն Սադոյանը: