Իսրայելական բանակում գտնում են, որ Միջերկրական ծովում վերջին տարիներին բացված գազի հանքերը համապատասխան պաշտպանության կարիք ունեն:
Ինչպես գրում է «Երուսաղեմ փոստ» թերթը, երկրի ծովային ուժերը վախենում են, որ լիբանանյան «Հեզբոլլահ» խմբավորման գրոհայինները կարող են ծովային սարքավորումների դեմ հականավային հրթիռներ կիրառել: Մեծ վտանգ են ներկայացնում նաև Գազայի հատվածի խմբավորումները, որոնք ցանկանում են տիրել մի շարք կառավարվող հրթիռների:
Սրա հետ կապված՝ զինվորականները հույսը չեն դնում միայն հսկող նավերի վրա: Թերթի տվյալներով` պլատֆորմի պաշտպանության երկու թեկնածու կա` դեռևս կառուցվող ցամաքային հակահրթիռային պաշտպանության «Պրաշա Դավիդ» համակարգը` միջին հեռահարության հրթիռների դեմ պայքարելու համար, և երկրորդը` նավային «Բարաք-8» համակարգը, որի հիմնական խնդիրը հականավային հրթիռների որսն է:
Այնուամենայնիվ, ծովային ուժերն արդեն որոշել են վերահսկողության հատվածը, որտեղ աշխատում են նաև անօդաչու թռչող սարքեր: Նախկինում ծովային ուժերի խնդիրը ծովային ճանապարհի պաշտպանությունն էր, որով Իսրայել է հասնում ներմուծվող ապրանքի 99 %-ը: Հորատման սարքավորումների տեղադրումից հետո վերահսկման տարածքը մեծացել է, և զինվորականները արդեն դիմել են պաշտպանության նախարար Էհուդ Բարաքին` լրացուցիչ ուժեր ներգրավելու համար: