Բելգիայի դաշնային կառավարությունը և Բրյուսելի քաղաքապետարանը խոստացել են համատեղ ուժերով մեծացնել ուղևորների ու հասարակական տրանսպորտի աշխատակիցների անվտանգությունը: Այս մասին գրում է Le Soir պարբերականը:
Այդ նպատակով արդեն ընթացիկ տարվա հունիսին աշխատանքի կընդունվի ևս 400 ոստիկան, որոնք պետք է հսկեն տրանսպորտային միջոցների աշխատանքը կանգառներում:
Համապատասխան որոշումը կայացվել է Բրյուսելում STIB/MIVB ընկերության տրանսպորտային կարգավարի մահից հետո:
Հիշեցնենք, որ կարգավարը ճանապարհատրանսպորտային պատահարի վայր է հրավիրվել (ավտոբուսն ու ավտոմեքենան վթարի էին ենթարկվել): Դեպքի վայրում վեճ է ծագել՝ վերածվելով ծեծկռտուքի, որի ընթացքում նա գլխին հարված էր ստացել ու հիվանդանոցի ճանապարհին մահացել: Հարձակվողն արդեն հանձնվել է իշխանություններին: Նա հայտարարել է, որ չի ցանկացաել սպանել կարգավարին ու ցավում է կատարվածի համար:
