Մոսկվան ուսումնասիրում է իր դիտորդներին Սիրիա ուղարկելու հնարավորությունը: Այս մասին, ինչպես հաղորդում է ITAR-TASS-ը, այսօր հայտարարել է Ռուսաստանի փոխարտգործնախարար Գենադի Գատիլովը:
Այդ առիթով Գատիլովը նշել է, որ Սիրիա ՄԱԿ-ի դիտորդներ ուղարկելու հարցը սկզբունքորեն նույնիսկ որոշված չէ: «Առայժմ նման առաքելության տեխնիկական պարամետրերը համաձայնեցնելու գործընթաց է տարվում, խորհրդակցություն է անցկացվում Սիրիայի իշխանությունների հետ,- ասել է դիվանագետը։- Սա հեշտ գործ չէ, անհրաժեշտ է որոշել դիտորդների թիվը և ազգային պատկանելությունը, որպեսզի այն ընդունելի լինի բոլոր կողմերի համար»:
Գատիլովի խոսքերով՝ կարևոր է նաև որոշել առաքելության խնդիրները և մանդատը: «Իրադրությունը բարդ է և պահանջում է արագ ու արդյունավետ գործողություններ,- ասել է նա։- Կարծում եմ, որ հենվելով Քոֆի Անանի փորձի և պոտենցիալի վրա՝ ՄԱԿ-ում առաջիկայում այս հարցով կոնկրետ առաջարկներ կներկայացվեն»:
«Առայժմ ոչինչ հայտնի չէ: Չի բացառվում, որ Քոֆի Անանը Անվտանգության խորհրդում զեկուցի կատարված աշխատանքի մասին»,- ասել է Գատիլովը՝ հիշեցնելով, որ ապրիլի 12-ը բռնությունները դադարեցնելու վերջնաժամկետն է:
