Հետազոտության նախնական տվյալները ցույց են տվել, որ վիտամին B-6-ի կիրառումը թույլ է տալիս երազները տեսնել շատ պարզ և հաջորդ առավոտ դրանք մանրամասն հիշել:
Եվ քանի որ գիշերվա ընթացքում մարդը տեսնում 4-6 երազ, երբեմն դժվար է դրանք հիշելն ու մանրամասնորեն վերարտադրելը: Վիտամին B-6 պարունակում են միսը, բանջարեղենը, ընդեղենը, ընկուզեղենը և բանանը: Այս մասին հայտնի էր դեռ վաղուց, սակայն դա տեսություն էր, այլ ոչ հետազոտությամբ ապացուցված փաստ:
Ուսումնասիրության ընթացքում 12 ուսանողների 5 օրվա ընթացքում տվել են վիտամինի տարբեր չափաբաժիններ:
Այն մասնակիցները, որոնք 5 օրվա ընթացքում ընդունել են վիտամինի ամենամեծ չափաբաժինը՝ 250-ական միլիգրամ, հայտնել են, որ իրենց երազները առանձնացել են պարզորոշ պատկերներով, զգացմունքայնությամբ ու վառ գույներով:
Գիտնականներն այս երևույթը բացատրում են նրանով, որ վիտամինը ամինաթթուները վերածում է սերոտոնինի, որը խորը քնի ընթացքում ուղեղն արթուն է պահում:
Սա հիմք է տալիս գիտնականներին ենթադրելու, որ վիտամինի և բանանի չարաշահումը կարող է անքնություն և սրտային առիթմիա առաջացնել:
Նշենք, որ B-6-ը հիանալի միջոց է հղիության առաջին ամիսներին կնոջ սրտխառնոցը վրացնելու համար:
