TRT-ի ռուսական ծառայության փոխանցմամբ՝ Եվրամիության հարցերով պետնախարար և գլխավոր բանագնաց Էգեմեն Բաղըշը մեկնաբանել է Թուրքիայի հետ վիզային ռեժիմի մեղմացման մասին Եվրահանձնաժողովի ընդունած որոշումը, որը պետք է հաստատվի ապրիլի 26-ին Լյուքսեմբուրգի գագաթնաժողովում.
«Թուրքիան իր ակնկալիքները հստակ ներկայացրել է ԵՄ-ին: Մենք ցանկանում ենք վիզային ռեժիմի վերացում և ոչ թե դյուրացում: Թուրքիայի Հանրապետության քաղաքացիների բնական իրավունք է առանց վիզայի եվրոպական երկրներով շրջելը:
Թուրքիայի մի շարք քաղաքացիների համար դյուրացնելով վիզային ռեժիմը՝ ԵՄ-ը դրանով իսկ զիջումների չի գնացել: Մենք հուսով ենք, որ ապրիլի 26-ին Լյուքսեմբուրգում կընդունվի վիզային ռեժիմի վերացման շուրջ Թուրքիայի հետ բանակցություններ սկսելու որոշում:
Անընդունելի է, որ վիզային ռեժիմի վերացման շուրջ Վրաստանի, Մոլդովայի և Ռուսաստանի նման երկրների հետ բանակցող Եվրոպան նմանատիպ բանակցություններ չի վարում Թուրքիայի հետ»: