Նիգերիայի հյուսիսում` Կադունա քաղաքի եկեղեցու մոտակայքում, տեղի ունեցած ահաբեկչության հետևանքով զոհվել է 38 մարդ: Ինչպես հաղորդում է ИТАР-ТАСС-ը, այդպիսին են պաշոտանական տվյալները, որոնք ներկայացրել են երկրի իշխանությունները: Ավելի վաղ հայտնի էր 20 զոհի մասին:
Հաղորդվում է, որ ռումբը եղել է տաճարից ոչ հեռու կայանված երկու ավտոմեքենայի մեջ: Պայթուցիկ սարքերը գործել են հեռակառավարման միջոցով: Պայթյունի հետևանքով եկեղեցու մի մասը փլուզվել է, իսկ ոչ հեռու գտնվող տներում կոտրվել են ապակիները:
Տուժածների թվի մասին ստույգ տեղեկություն չկա, սակայն փրկարարների տվյալներով` նրանք տասնյակներով են հաշվվում:
Հիշեցնենք, որ եկեղեցիների և քրիստոնեական համայքնի հետ կապված այլ օբյեկտների դեմ ահաբեկչությունների շարքը ավելի վաղ իրականացրել են «Բոկո խարամ» իսլամական ծայրահեղական խմբավորման գրոհայինները: Ամենախոշոր ողբերգությունը տեղի էր ունեցել Նիգերիայի մայրաքաղաք Աբուջայում, երբ զոհվել էր ավելի քան 40 մարդ:
