Թեև Ջենիֆեր Լոպեսն ու Մարկ Էնթոնին իրենց ամուսնալուծությունից հետո պահպանել են ընկերական հարաբերությունները, բայց նրանց միջև երբեմն լարվածություն է նկատվում Q’Viva շոուի ժամանակ:
KoVideo-ն հաղորդում է, որ երգիչներն ու նախկին ամուսինները միասին ճանապարհորդում են Հարավային Ամերիկայի երկրներով` փորձելով գտնել լավագույն տաղանդին, ով նրանց հետ կգա Լաս Վեգաս: Հաղթողը այնուհետև հնարավորություն կունենա երգել նրանց հետ:
Այնուամենայնիվ, շոուի կադրերում երևում է, որ լարվածությունը նախկին ամուսինների միջև երբեմն գլուխ է բարձրացնում: Համացանցում հայտնված կադրերից մեկում այն բանից հետո, երբ Էնթոնին երկու պարուհիների անվանում է «փոքրիկներս», «սիրելիներս», Ջենիֆերը նրան «խոզ» է անվանում:
Չնայած կադրը կրճատված է, և երևում է միայն, թե ինչպես է Ջենիֆերը ժպտում, սակայն նրանց միջև լարվածությունը նկատելի է:
