Հասարակության մեջ կա մի մեծ զանգված, որը չի հավատում, որ որևէ բան կփոխվի, սակայն սպասում է: Մեկ այլ զանգված կա, որը հավատում է փոփոխություններին»,- «Առաջին լրատվական»-ի հետ զրույցում ասաց հոգեբան Սամվել Խուդոյանը:
Ըստ հոգեբանի՝ ընտրությունների շրջանում առավել կարևոր է կուսակցությունների հոգեբանական պատրաստվածությունը. «Նրանք հոգեբանական առումով սխալ են աշխատում, որի արդյունքում ավելի շատ իրենց են վնաս տալիս: Իրենց լոզունգները, գովազդը սխալ է արվում»:
Սամվել Խուդոյանն ասաց, որ ցանկացած ընտրվող պաշտոնի համար հոգեբանական խումբ է աշխատում, իսկ մեզանում այդ մշակույթը կամ չկա, կամ լավ չի աշխատում: Նման խմբի աշխատանքի արդյունքում ընտրակեղծիքները սկսում են կտրուկ փոխվել. «PR է արվում նուրբ ձևով, որը բռի լցոնումից լավ է»:
Հոգեբանը խորհուրդ տվեց գնալ ընտրություններին միայն սեփական կամքով և խղճի թելադրանքով. «Գիտենք, որ ընտրակաշառքներ կան, ոչ մի մեխանիզմներ չեն գործում, ուրեմն ընտրենք խղճի մտոք, քանի որ վտանգավոր շրջանում ենք ապրում, պատերազմական իրավիճակում ենք և յուրաքանչյուր խռովություն կարող է հանգեցնել պատերազմի»:
